Qyzylordada jyl basynan beri karantın talaby 137 márte buzylǵan
Óńirde monıtorıng tobynyń músheleri jyl basynan beri 1904 nysandy tekserdi. Nátıjesinde karantın talabyn buzǵan 137 derek belgili boldy.
Karantın buzý dereginiń kópshiligi qoǵamdyq tamaqtaný oryndarynda tirkeldi. Atap aıtqanda, personal kelýshilerge jeke qorǵanysh quralynsyz qyzmet kórsetken.
Karaokeler men kalıandar jumys jasaǵan. Ǵımarattyń tolymdylyǵy 30 paıyzdan aspaýy qajet bolsa da, kelýshilerdiń sanyna shekteý qoıylmaǵan.
Qyzmetine tyıym salynsa da kompıýterlik klýbtar jumys jasaǵan.
«Búginde 45 monıtorıngtik top jumys isteýde. Toptyń quramyna polıtsııa departamentiniń, jergilikti atqarýshy organdardyń, qoǵam belsendileri men eriktiler barlyǵy 128 maman jumyldyryldy. Qazirgi tańda, karantın talaptary eńbek ujymdarynyń barlyǵynda birdeı saqtala bermeıdi. Ásirese 8 naýryz, 22 naýryz merekelerine oraı ótkizilgen ujymdyq is-sharalar kezinde karantın talaptaryn saqtamaǵan birqatar uıymdar men memlekettik qyzmetshilerge ákimshilik quqyq buzýshylyq kodeksine sáıkes aıyppuldar salyndy», - dedi oblystyq sanıtarııalyq-epıdemıologııalyq baqylaý departamentiniń basshysy Dınara Jańabergenova.
Sondaı-aq, budan buryn Qyzylordada 16 toıhana qyzmetin basqa baǵytqa aýystyrǵanyn habarlaǵan edik.
