Qyzylordada jyl basynan beri 4662 adam koronavırýs juqtyrdy
Óńirde jyl basynan beri 4662 adam koronavırýs juqtyrdy. Bul byltyrǵy jyldyń osy kezeńimen salystyrǵanda 14 esege ulǵaıǵan.
2020 jylǵy naýryz aıynan bastap koronavırýs ınfektsııasyn juqtyrýdyń 24094 jaǵdaıy tirkeldi. Naýqastardyń basym kópshiligi (65 paıyzy) klınıkalyq (15746 adam) belgisimen anyqtalǵan. Olardyń 14 paıyzy 2020 jyly (3392 adam) esepke alynsa, 67 paıyzy (16042 adam) 2021 jyly anyqtaldy.
«Bıylǵy oqý jyly bastalǵaly oblys boıynsha 8226 koronavırýs juqtyrý tirkelgen. Olardyń arasynda 733 mektep oqýshysy bar. Bul shamamen naýqastardyń 9 paıyzyn quraıdy. Oblys boıynsha 305 mekteptiń 133-inde koronavırýs juqtyrý jaǵdaıy kezdesti. Aýrýǵa shaldyqqan 733 mektep oqýshysynyń 53 paıyzy offlaın rejımde bilim alǵan. Karantınge jabylǵan synyptar sany - 305. Olardyń 26-y úshinshi toqsanda jabylǵan», - dep málim etti Qyzylorda oblystyq sanıtarııalyq-epıdemıologııalyq baqylaý departamentinen.
Eske salsaq, Qyzylorda oblysynda 60 myńnan astam adam Pfizer vaktsınasyn saldyrdy.
