Qyzylordada jyl basynan beri 35 karantın talabyn saqtamaý faktisi anyqtaldy
Jyl basynan beri monıtorıng toby músheleri 10 myńnan astam nysanǵa reıd júrgizdi. Nátıjesinde 335 karantın talabyn saqtamaý faktisi anyqtaldy. Onyń ishinde 158 jaǵdaı halyqqa qyzmet kórsetý nysandarynda tirkelse, úıde 125 merekelik-kópshilik is-shara uıymdastyrylǵan. Al ujymdarda 52 karantın talaby buzylǵan.
«Turǵyndardan barlyq saqtyq sharalaryna nazar aýdarýyn suraımyz. Degenmen keıbir keleńsizdik áli de kezdesedi. Ótken jyldan beri óńirde 7 082 adam koronavırýs ınfektsııasyn juqtyrǵan. Onyń 51,5 paıyzynda klınıkalyq belgisi baıqalsa, 48,5 paıyzy sımptomsyz túri», - dedi oblystyq sanıtarııalyq-epıdemıologııalyq baqylaý departamentiniń basshysy Dınara Jańabergenova.
Elimizdegi epıdemıologııalyq ahýal boıynsha Qyzylorda oblysy «sary» aımaqqa ótti. Ótken táýlikte koronavırýs indetin 28 adam juqtyrdy. Eske salsaq, Qyzylordada bir kúnde 4 myńǵa jýyq adam vaktsına saldyrdy.
