Qyzylordada jyl basynan beri 24 adamnan AITV vırýsy anyqtaldy
QYZYLORRDA. QazAqparat - Qyzylorda oblysynda jyl basynan beri 24 adamnan AITV (Adamnyń qorǵanysh tapshylyǵynyń qozdyrǵyshy) vırýsy anyqtaldy, dep habarlaıdy QazAqparat tilshisi.
Bıylǵy jyldyń 8 aıynda oblysta jyl basynan beri 24 adamnan AITV vırýsy anyqtaldy. Infektsııany juqtyrǵan 24 adamnyń 6-ýy áıel bolsa, 18-i er adam. Naýqastardyń 14-i qala turǵyny bolsa, qalǵany aýdandardan. Atap aıtqanda, Jańaqorǵan, Qazaly, Shıeli aýdandarynda 2, Jalaǵash, Aral, Qarmaqshy aýdandarynan 1 adamnan atalǵan vırýs belgileri tabylǵan. Al Baıqońyr qalasynan 1 azamattyń aýrýdy juqtyrǵany anyqtaldy. Aýrý juqtyrýshylardyń kóbi 30-40 jas shamasyndaǵy azamattar.
«Aýrýdyń kóbeıýiniń negizgi sebebi bıyl testileý sany 23,6 paıyzǵa artty. Testileý sany kóbeıgen saıyn juqtyrýshylardyń kóbeıý múmkindigi joǵarylaıdy. Oblys boıynsha barlyǵy 4000-ǵa jýyq júkti áıeldiń jynystyq seriktesteri tekserilip, olardyń arasynan 3 adamnan AITV ınfektsııasy anyqtaldy. Sondaı-aq, atalǵan ınfektsııany juqtyrǵan 2 júkti áıel bosanyp, olardyń náresteleri antıretrovırýsty emmen qamtyldy»,- dedi JITS-tiń aldyn alý jáne oǵan qarsy kúres jónindegi oblystyq ortalyqtyń uıymdastyrý ádistemelik bóliminiń meńgerýshisi Qanat Shýshaev.
