Qyzylordada jyl basynan beri 13 adam sýǵa ketti
QYZYLORDA. QazAqparat - Qyzylorda oblysynda jyl basynan beri 13 adam sýǵa ketken. Onyń ishinde 5-i bala, dep habarlaıdy QazAqparat tilshisi.
Oblysta sýǵa ketý oqıǵalary azaımaı tur. Mamyr aıynda tórt adam osyndaı oqys oqıǵa saldarynan kóz jumdy.
«Byltyr osy aralyqta 8 adam sýǵa ketip qaza bolǵan edi. Onyń ishinde 3-i bala. Bıyl sýǵa ketkenderdiń sany 13 adamǵa jetti, olardyń arasynda 5-i bala. Sondyqtan turǵyndardan» barlyq qaýipsizdik sharasyna nazar aýdarýdy suraımyz», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Eske salsaq, budan buryn Qyzylordada qaıyǵy aýdarylyp, kól ortasynda qalyp qoıǵan reseılikter qutqaryldy.
