Qyzylordada jurtty qorqytyp, paıda taýyp júrgen qylmystyq top quryqtaldy
QYZYLORDA. QazAqparat - Qyzylordada azamattardy qorqytyp, paıda tabýdy kásip etken qylmystyq toptyń 3 múshesi quryqtaldy, dep habarlady QazAqparat tilshisi oblystyq ІІD-ge silteme jasap.
17 qarasha kúni saǵat 18.30 shamasynda Qyzylorda oblysynyń Іshki ister departamenti Uıymdasqan qylmysqa qarsy kúres basqarmasy qyzmetkerleriniń júrgizgen jedel-izdestirý is-sharalary barysynda Shıeli aýdanynyń 33, 31, 24 jastaǵy 3 turǵyny ustalyp, adamdarǵa fızıkalyq kúsh qoldaný arqyly qorqytyp, múlikti talap etkenderi anyqtaldy. Tekserý barysynda olardan gazdy travmatıkalyq tapansha, oqtar, jınalmaly pyshaq tabylyp, aıǵaq zat retinde alyndy.
Sonymen qatar, úıine júrgizilgen tintý barysynda saraıynan tapanshanyń oqjatary, ańshy myltyqtary, ańshy myltyǵynyń patrondary tabylyp, aıǵaq zat retinde alyndy.
Qazirgi tańda atalǵan derek Qazaqstan Respýblıkasy Qylmystyq Kodeksiniń 194-baby 2-bóligi jáne 287-baby 3-bóligi boıynsha Sotqa deıingi tergep-tekserýdiń biryńǵaı tizilimine tirkelip, kúdiktilerge qatysty «kúzetpen qamaýda ustaý» bultarpaý sharasy sanktsııalandy.
