Qyzylordada jýrnalıstıka mamandyǵy boıynsha pán olımpıadasy ótip jatyr
QYZYLORDA. QazAqparat - Qorqyt Ata atyndaǵy Qyzylorda memlekettik ýnıversıtetinde jýrnalıstıka mamandyǵy boıynsha ІH respýblıkalyq pán olımpıadasy bastaldy,-dep habarlady QazAqparat tilshisi.
Eki kúnge sozylatyn bilim básekesine elimizde jýrnalıst mamandar daıarlaıtyn 13 joǵary oqý ornynan 39 stýdent qatysyp, ózara baq synamaq.
Olımpıadaǵa qatysýshylar bilim dodasynyń alǵashqy kúninde ýnıversıtettiń «Arheologııa jáne etnografııa», «Elbasy jáne Táýelsiz Qazaqstan» atty kórme zaldarymen, sondaı-aq «Fızıka-hımııalyq taldaý ádisteri» ınjenerlik beıindegi zerthana jumystarymen tanysty.
Olımpıadany ýnıversıtettiń oqý-tárbıe isi jónindegi prorektory B.A.Junaıduly ashyp, barsha qatysýshylarǵa sáttilik tiledi. Sonymen qatar olımpıadanyń ashylý rásiminde ádilqazylar alqasy men bilim dodasynyń erejesi tanystyryldy.
Baıqaýǵa qatysýshylar olımpıadanyń alǵashqy kezeńinde komandany tanystyrsa, ekinshi kezeńinde esse jazady.
Sonymen qatar respýblıkalyq olımpıada aıasynda jas aqyndardyń shyǵarmashylyq keshi ótedi.
21 sáýir kúni olımpıadanyń úshinshi týry bolady. Onda qatysýshylar test tapsyryp, «Jedel aqparat» jazýdan saıysqa túsedi.
Olımpıadanyń jabylý rásimi 21 sáýir kúni saǵat 16.00-de Mustafa Shoqaıtaný ortalyǵynda ótedi.
