Qyzylordada jýrnalıster arasynda shaǵyn fýtboldan respýblıkalyq týrnır ótti
Respýblıkalyq týrnırge jınalǵan jýrnalıster Qyzylorda qalasy ákiminiń Kýbogin sarapqa saldy.
Jarysqa Astana, Shymkent, Qyzylorda qalalary, Atyraý, Túrkistan oblystarynan barlyǵy 8 komanda qatysty.
Toptyq kezeńnen keıin súrinbeı ótken «Qazmedıa», «Qaz365.kz» jáne «Atyraý», «Shymkent» komandalary jartylaı fınalǵa shyqty.
Olardyń arasynan bas júldeni sarapqa salǵan «Qazmedıa» «Qaz365.kz» komandasyn jeńip, respýblıkalyq týrnırdiń chempıony atandy. Olar 1 000 000 teńge qarjylaı syılyqpen marapattaldy. Ekinshi oryn alǵan «Qaz365.kz» 700 myń, qola júldeger atanǵan «Atyraý» 350 myń teńgege qol jetkizdi.
Týrnırdiń «Úzdik oıynshysy» nomınatsııasymen 6 gol salǵan atyraýlyq Qaısar Jetpisbaı marapattalsa, «Qoǵam TV» komandasynyń oıynshysy Erjan Batyrshaev «Úzdik shabýylshy» dep tanyldy.
Al «Shymkent» komandasynyń oıynshysy Aıbek Qabylsha «Úzdik qaqpashy» atansa, túrkistandyq Samat Súleı «Úzdik qorǵaýshy» nomınatsııasymen marapattaldy.
