Qyzylordada júrginshiler jolaǵynan ótpek bolǵan oqýshyny kólik qaǵyp ketti

QYZYLORDA. QazAqparat - Qyzylorda qalasynda jeńil kólik júrginshiler jolynda oqýshy qyzdy qaǵyp ketti, dep habarlaıdy QazAqparat tilshisi.

Oqıǵa oblys ortalyǵyndaǵy N. Nazarbaev dańǵyly boıynda tirkelgen. Jaıaý júrginshiler jolaǵynda joldan ótpek bolǵan oqýshyny jeńil kólik qaǵyp ketti.

«Atalǵan oqıǵa QR Qylmystyq Kodeksiniń 345-babynyń 2-bóligimen sotqa deıingi tergep-tekserýdiń biryńǵaı tizilimine tirkeldi. Tıisti saraptama taǵaıyndalyp, anyqtaý jumystary júrgizilýde. Kúdikti azamat Qyzylorda qalalyq Polıtsııa basqarmasyna jetkizildi. Oǵan qatysty eshqaıda ketpeý týraly bultartpaý sharasy qoldanyldy. Jasóspirim oblystyq balalar aýrýhanasyna jatqyzyldy», - dep málim etti Qyzylorda qalalyq polıtsııa basqarmasynan.

Qyzylorda qalalyq bilim bólimi oqýshynyń jaǵdaıy qalypty ekenin habarlady. Qazir ol palataǵa shyǵyp em qabyldaýda.