Qyzylordada jumyssyzdyq deńgeıi tómendedi
Oblystyq qoǵamdyq keńes aldynda esep bergen oblys ákimi Qýanyshbek Ysqaqov Qyzylorda oblysynda ótken jyly jumyssyzdyq deńgeıi 4,7 paıyzǵa tómendegenin atap ótti.
Jergilikti bılik kásiporyndarda qyzmetkerlerdi jappaı qysqartýlardy boldyrmaýǵa jáne bul kórsetkishti birneshe jyl qatarynan 4,8 paıyzben orta respýblıkalyq kórsetkishten asyrmaýǵa naqty jumys jasady. Qabyldanǵan júıeli sharalardyń nátıjesinde sońǵy 3 jylda jumys jasap turǵan kásipkerlik sýbektileriniń sany 24 paıyzǵa, shaǵyn jáne orta bızneste jumyspen qamtylǵandardyń sany – 7,5 paıyzǵa, al, salyq túsimderiniń kólemi tek sońǵy jyldyń ózinde shamamen 11 paıyzǵa artqan.
Aımaq basshysy Qýanyshbek Ysqaqov shaǵyn jáne orta kásipkerlik sýbektilerimen óndirilgen ónim kóleminiń úlesin arttyrý qajettigine toqtaldy.
«Prezıdenttiń tapsyrmasyna sáıkes, shaǵyn jáne orta bıznestiń óńirdiń óndirilgen ónimdegi úlesi 2025 jyly 35 paıyz bolýy tıis. Al bizde, ótken jyldyń 9 aıy boıynsha 16,5 paıyz ǵana. Munymen qosa beıresmı jumyspen qamtylǵandar jumyssyzdyq deńgeıin tómendetýge, salyq túsimin arttyrýǵa keri áser etip otyr. Endigi bir, másele, ol beıresmı jumyspen qamtylǵandardy zańdastyrý, rásimdep, tirkeýge alý», - dedi oblys ákimi.