Qyzylordada jumysqa turǵyzý úshin 600 myń teńge para alǵan sheneýnik aıyppul tóleıdi

JAŃAQORǴAN. QazAqparat - Qyzylorda oblysy Jańaqorǵan aýdandyq jumyspen qamtý, áleýmettik baǵdarlamalar jáne azamattyq hal aktilerin tirkeý bóliminiń basshysy para alǵany úshin sottaldy. Bul jóninde QazAqparat QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap habarlaıdy.

Qyzylorda oblysynyń Sybaılas jemqorlyqqa qarsy qyzmet departamenti «Jańaqorǵan aýdanynyń jumyspen qamtý, áleýmettik baǵdarlamalar jáne azamattyq hal aktilerin tirkeý bólimi» KMM basshysy A. Ahmetovke qatysty sotqa deıingi tergeýdi aıaqtady. Ol K.Berjenbaev degen azamattan atalǵan mekemege jumysqa ornalasqany úshin 600 myń teńge kóleminde para aldy degen kúdikke ilinip otyr.

24 qyrkúıekte Qyzylorda oblysy Jańaqorǵan aýdandyq sotynyń úkimimen Ahmetovke para alǵany úshin 30 mln teńge kóleminde aıyppul salyndy, sondaı-aq ómir boıyna memlekettik qyzmetten shettetildi. Osy úkim boıynsha para bergen azamat Berjenbaevqa 9 mln teńge kóleminde aıyppul salynǵan.