Qyzylordada jumys barysynda ádeptilik saqtamaǵan memlekettik qyzmetshi jazalandy
QYZYLORDA. QazAqparat - Qyzylorda oblysy tabıǵı resýrstar jáne tabıǵat paıdalanýdy retteý basqarmasynyń bólim basshysy azamattar jáne áriptesterimen qarym-qatynasta sypaıylyq pen ádeptilik tanytpaǵany úshin tártiptik jazaǵa tartyldy, dep habarlaıdy QazAqparat tilshisi.
Bul jóninde QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentine jergilikti azamatsha ashǵym aıtyp kelgen. Osyǵan sáıkes departamenti tarapynan jospardan tys tekserý júrgizildi. Tekserý nátıjesinde bólim basshysy tarapynan Qazaqstan Respýblıkasy Prezıdentiniń «Qazaqstan Respýblıkasy memelkettik qyzmetshileriniń ádeptilik normalaryn jáne minez-qulyq qaǵıdalaryn odan ári jetildirý jónindegi sharalar týraly» Jarlyǵynyń normalary buzylǵandyǵy anyqtaldy.
«Tekserý qorytyndysy boıynsha Qyzylorda oblysynyń tabıǵı resýrstar jáne tabıǵat paıdalanýdy retteý basqarmasyna bólim basshysynyń tártiptik máselesin qaraý týraly usynys engizildi. Bólim basshysy «qatań sógis»» túrindegi tártiptik jazaǵa tartyldy», - dedi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentiniń memleket qyzmet salasyndaǵy baqylaý basqarmasynyń bas mamany Nurjan Alıev.
