Qyzylordada júk kólikteriniń qozǵalysyna ýaqytsha shekteý qoıyldy
QYZYLORDA. QazAqparat - Qyzylorda oblysynda «Samara-Shymkent» tasjolynyń birqatar bóligine shekteý engizildi, dep habarlaıdy QazAqparat tilshisi.
Qyzylorda oblysynyń Aral aýdany aýmaǵynda aýa raıy nasharlap tur.
«Osyǵan baılanysty «Qazaqavtojol» JShS joldaǵan hatyna sáıkes elorda ýaqytymen 23.30-dan bastap respýblıkalyq mańyzy bar «Samara-Shymkent» avtomobıl jolynyń 1240-1357 shaqyrym aralyǵynda júk avtokólikteriniń qozǵalysyna ýaqytsha tyıym salynady», - dep málim etti Qyzylorda oblystyq tótenshe jaǵdaılar departamentinen.
Eske salsaq, buǵan deıin 26 aqpanǵa arnalǵan aýa raıy boljamy jarııalanǵan edi.
Onda Qazaqstannyń soltústiginde, shyǵysynda, ońtústiginde, ońtústik-shyǵysynda atmosferalyq fronttardyń áserinen turaqsyz aýa raıy saqtalatyny aıtylǵan.
