Qyzylordada júk kóligine soqqan Audi júrgizýshisi kóz jumdy

QYZYLORDA. QazAqparat - Qyzylorda oblysynda jol-kólik oqıǵasynan bir adam qaza boldy, dep habarlaıdy QazAqparat tilshisi.

Samara-Shymkent jolynyń Shıeli aýdany, Eńbekshi aýylynyń tusynda KamAZ júk avtokóliginiń tirkemesine bir baǵytta kele jatqan Audi avtokóligi soqtyǵysqan. Jol apaty saldarynan Audi kóliginiń júrgizýshisi oqıǵa ornynda kóz jumdy.

«Jol-kólik oqıǵasy boıynsha Qylmystyq kodestiń 345-babynyń 3-bóligimen qylmystyq is qozǵalyp, sotqa deıingi tergep-tekserý áreketteri júrgizilýde. Onda kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy jaǵdaıy kósretilgen. Tıisti sot saraptamalary taǵaıyndaldy. Oqıǵanyń mán-jaılary anyqtalýda», - dep málim etti Qyzylorda oblystyq polıtsııa departamentinen.

Eske salsaq, budan buryn Aralda jol-kólik oqıǵasynan bir adam qaza taýyp, eki adam jaraqat aldy .