Qyzylordada júk kóligi qaqqan eki bala kóz jumdy
QYZYLORDA. QazAqparat - Qyzylorda qalasyna qarasty Belkól kentinde «KaMAZ» júk kóligi 4 jáne 5 jastaǵy eki qyzdy qaǵyp ketti. Aýyr jaraqattan búldirshinder oqıǵa ornynda kóz jumdy, dep habarlaıdy QazAqparat tilshisi.
Atalmysh oqıǵa keshki saǵat 20.00-der shamasynda bolǵan.
«Qazirgi tańda kúdikti ustaldy. Kúdiktiniń ústinen QR Qylmystyq kodeksiniń 345-babynyń 4-bóligimen jáne 347-babymen sotqa deıingi tergep-tekserý amaldary júrgizilýde. Ol Qyzylorda qalalyq Polıtsııa basqarmasynyń ýaqytsha ustaý abaqtysyna qamaldy. Tıisti saraptamalar taǵaıyndalyp, oqıǵanyń mán-jaılary anyqtalýda», - dep habarlaıdy oblystyq Polıtsııa departamenti.
Budan buryn Qyzylordada jol-kólik oqıǵasynan mototsıkl júrgizýshisi kóz jumǵanyn habarlaǵan edik.
