Qyzylordada júk kóligi qaqqan adam oqıǵa ornynda kóz jumdy

QYZYLORDA. QazAqparat - Qyzylorda qalasy Sultan Beıbarys kóshesi boıynda «KamAZ» júk kóligi adam qaǵyp ketti. Júrginshi oqıǵa ornynda kóz jumdy, dep habarlaıdy QazAqparat tilshisi.

Bul jóninde Qyzylorda oblystyq polıtsııa departamentiniń baspasóz qyzmeti habarlady. Oqıǵa 15 mamyrda oryn alǵan. Atalǵan derek boıynsha Qazaqstan Respýblıkasy Qylmystyq kodeksiniń 345-baby, 3-bóligimen is qozǵalǵan.

«Búginde sotqa deıingi tergep-tekserý júrip jatyr. Tıisti saraptamalar taǵaıyndaldy. Oqıǵanyń mən-jaıy anyqtalýda. Qazaqstan Respýblıkasy Qylmystyq-protsessýaldyq kodeksi 201-babynyń talaptaryna sáıkes, sotqa deıingi tergep-tekserýdiń basqa derekteri jarııa etilmeıdi», - dep málim etti Qyzylorda oblystyq polıtsııa departamentiniń baspasóz qyzmeti.