Qyzylordada jolaýshylar avtobýsynyń júrgizýshisi masań kúıde kólik basqarǵan
QYZYLORDA. QazAqparat - Qyzylorda oblysy Qazaly aýdanynyń ortalyǵy - Áıteke bı kentinde jolaýshylar avtobýsyn tekserý barysynda júrgizýshiniń alkogoldi ishimdim paıdalanǵan soń kólik basqarǵany anyqtaldy, dep habarlaıdy QazAqparat tilshisi.
Avtobýs júrgizýshisi Qazaly men Aral aýdanynyń Qaratereń eldi mekeni arasynda jolaýshylar tasymaldap kelgen. Masań kúıde kólik basqarǵan ol Qazaqstan Respýblıkasy ákimshilik quqyqbuzýshylyq týraly kodeksiniń 608-babymen jaýapqa tartyldy.
«Jeltoqsan aıynyń alǵashqy onkúndiginde oblys kóleminde «Avtobýs» jedel profılaktıkalyq is-sharasy ótkizildi. Atalmysh shara nátıjesinde jol-qozǵalysy erejesin buzýdyń 566 deregi anyqtaldy. Mundaı ereje buzýda jolaýshylardy tasymaldaý qaǵıdalaryn buzý, zańsyz qaıta jabdyqtaý, mindetti tehnıkalyq tekserýden ótpeý, belgilengen jyldamdyq mólsherin arttyrý sekildi kemshilikter oryn alǵany belgili boldy. Olarǵa ákimshilik hattama toltyryldy», - dep jazylǵan Qyzylorda oblystyq polıtsııa departamenti baspasóz qyzmeti taratqan habarlamada.
Sondaı-aq, Qyzylorda qalasynda budan buryn jeńil kólik pen avtobýs soqtyǵysyp qalǵan edi.
