Qyzylordada jolaýshylar avtobýsy aýdarylyp qaldy
QYZYLORDA. QazAqparat - Qyzylordada №18 baǵyttaǵy qoǵamdyq kólik aýdarylyp qaldy, dep habarlaıdy QazAqparat.
Qolaısyz aýa raıy saldarynan apatqa ushyraǵan avtobýstyń ishinde jolaýshylar bolǵan.
«Oqys oqıǵadan zardap shekken eki turǵyn oblystyq medıtsına ortalyǵyna jetkizildi. Biriniń mıy shaıqalǵan bolsa, ekinshi naýqas dene jaraqatyn alǵan. Zardap shekkenderge dárigerler tıisti em - dom jasady. Densaýlyqtaryna qaýip joq. Azamattar aýrýhanada jatyp, emin jalǵastyrýdan bas tartty. Avtobýstyń aýdarylǵanynan zaqym alǵan basqa jolaýshylar tirkelmedi», - dep málimdedi Qyzylorda oblystyq densaýlyq saqtaý basqarmasynyń baspasóz hatshysy Nurjamal Tursynbaeva.
Aıta ketsek, Qyzylordadaǵy qolaısyz aýa raıy turǵyndardy ábigerge salýda. Qar aralas jaýǵan jańbyrdyń saldarynan, aınala muz aıdynyna aınalǵan. Qala ortalyqtarynda kólik keptelisi paıda bolyp, jolýshylardyń júrip-turýyna qıyndyq týdyrýda.
Qazirgi ýaqytta qala kóshelerine tuz aralas qum sebilip, tazartý jumystary júrgizilýde.
Aınur Tóleshova
