Qyzylordada jolaýshy tasymaldaıtyn avtobýs otqa orandy

QYZYLORDA. QazAqparat - Qyzylordada qala ishinde jolaýshy tasymaldaıtyn avtobýs órtke orandy, dep habarlaıdy QazAqparat tilshisi.

Oqıǵa búgin, 1 aqpanda saǵat 13.37-de tirkeldi.

Sol ýaqytta qala ishinde jolaýshy tasymaldaıtyn №1 baǵdardaǵy «Zhong Tong Bus» markaly avtobýs órtke orandy.

Avtobýs «Qyzylorda» avtobýs parki JShS-ne tıesili.

«Oqıǵa ornyna órt sóndirý jáne avarııalyq-qutqarý jumystary qyzmetinen 9 qyzmetker 3 kólikpen keldi. Órt 13.49-da oqshaýlandyrylyp, 13.53-te tolyǵymen sóndirildi. Avtobýstan 16 adam óz kúshimen qaýipsiz jerge shyǵyp úlgergen. Oqıǵanyń mán-jaıy anyqtalyp jatyr», - dedi oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetinen.

Eske salsaq, budan buryn Qyzylorda oblysynda elsiz dalada qalyp qoıǵan 19 adam qutqarylǵan edi.