Qyzylordada jolaqy qymbattaýy múmkin

Jıynǵa qala ákiminiń orynbasary Asylbek Shámenov, «Qyzylorda avtobýs parki» JShS dırektory Ánýarbek Naqyp, qalalyq kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy Talǵat Qulmaǵanbet jáne oblystyq kóliktik baqylaý ınspektsııasynyń bas mamany Marat Mamyrbaev qatysyp, kún tártibine usynylǵan máseleniń mán-jaıyn baıandady.

Búgingi tańda qalaishilik 25 baǵyttaǵy jáne qala mańyna qatynaıtyn 6 baǵytta, barlyǵy 870 avtokólik eki aýysymmen qyzmet kórsetýde, onyń 160y-y - úlken syıymdylyqtaǵy, 310-y - orta syıymdylyqtaǵy  qoǵamdyq kólik.

Qala ákiminiń orynbasary A.Shámenovtiń aıtýynsha, qazirgi tańda jolaýshylar tóleıtin jolaqy park pen marshrýtqa engizilgen jeke kásipkerlerdiń jalǵyz tabys kózi bolyp tabylady. Odan basqa tasymaldaýshylardyń óz bıýdjetin tolyqtyrýǵa múmkindigi bolmaı otyr. Sondyqtan «Qyzylorda avtobýs parki» JShS barlyq baǵyttarǵa tolyqqandy qyzmet kórsete almaýyna baılanysty jeke tasymaldaýshy kásipkerlermen kelisim-shartqa otyrǵan, qazirgi tańda olar 75 paıyzdy qurap otyr.

Osy negizde, seriktestik tarapynan QR Kólik jáne kommýnıkatsııa mınıstriniń 2011 jylǵy 13 qazandaǵy №614 buıryǵymen bekitilgen «Turaqty marshrýttar boıynsha jolaýshylar men bagajdy tasymaldaý jóninde qyzmet kórsetýge tarıfter esepteý ádistemesine» súıene otyryp, jańasha eseptemelerin usyndy. Onda álemdik naryqta janar-jaǵarmaıdyń jáne qosalqy bólshekterdiń baǵasy birneshe ese qymbattap otyrǵany negizge alynǵan.

 «Qyzylorda avtobýs parki» JShS bergen málimetke súıensek, qala kóleminde qyzmet jasaıtyn kólikterdiń 40 paıyzy benzın otynyn, 30 paıyzy dızel otynyn paıdalanady. Bul oraıda ótken jylmen salystyrǵanda, AI-92 markaly benzınniń baǵasy 14 paıyzǵa (124-142), dızel otyny 38 paıyzǵa (80-130), al gaz otyny 93 paıyzǵa (30-58) artqan. Osyǵan baılanysty avtobýs parki qalalyq ekonomıka jáne bıýdjettik josparlaý bólimimen birlese eseptilik negizderin tekserýden ótkizip, ortashalanǵan tarıfti eresekterge 100 teńge, balalarǵa 50 teńge kóleminde usynyp otyr.