Qyzylordada jol-kólik oqıǵasynan eki adam qaıtys boldy
QYZYLORDA. QazAqparat - Qyzylorda oblysynda jol-kólik oqıǵasynan eki adam qaıtys boldy, dep habarlaıdy QazAqparat tilshisi.
Oqıǵa búgin, 2 qarashada, Jańaqorǵan kentindegi Horasan ata kóshesi boıynda boldy. Atalǵan kóshede «Toyota Hilux» jáne «VAZ-2107» markaly avtokólikter soqtyǵysty.
«Jol-kólik oqıǵasynan eki adam kóz jumdy, eki adam túrli dene jaraqatymen medıtsınalyq mekemege jetkizildi. Іs boıynsha QR Qylmystyq kodeksiniń 345-babynyń 4-bóligimen sotqa deıingi tergep-tekserý áreketteri júrgizilýde.
Onda avtomobıldi basqaratyn adamnyń jol júrisi qaǵıdalaryn buzyp, abaısyzda eki nemese odan da kóp adamnyń ólimine ákep soǵý jaǵdaıy kórsetilgen», - dep málim etti Qyzylorda oblystyq polıtsııa departamentiniń baspasóz qyzmetinen.
Vedomstvo málimetinshe, tıisti sot saraptamalary taǵaıyndaldy. Oqıǵanyń mán-jaılary anyqtalýda.
Eske salsaq, budan buryn Qyzylordada arnaıy operatsııa kezinde esirtki prıtony anyqtaldy .
