Qyzylordada jol-kólik oqıǵasynan 3 adam zardap shekti
QYZYLORDA. QazAqparat - Qyzylorda qalasynda eki jeńil kólikt soqtyǵysyp, 3 adam aýrýhanaǵa tústi, dep habarlaıdy QazAqparat tilshisi.
Oqıǵa 14 aqpanda N.Nazarbaev dańǵylynyń boıynda boldy. Qyzylorda qalasynda turatyn 46 jastaǵy azamat óziniń ıeligindegi «Hyundai Accent» avtokóligimen Ábdireev kóshesine qaraı solǵa burylmaq bolǵan. Sol sátte basty jolda kele jatqan «BMW-520» markaly avtokóiligine jol bermeı, soqtyǵysqan.
«Jol-kólik oqıǵasynan «Hyundai Accent» avtokóligi jol jıegindegi jaryq baǵanasyna soǵyldy. Osynyń saldarynan 3 adam medıtsına ortalyǵyna jetkizildi. Qazirgi tańda jol-kólik oqıǵasy zań talabyna saı rásimdelip, kináli júrgizýshige qatysty QR Ákimshilik quqyq buzýshylyq týraly kodeksiniń 610-babynyń 2-bóligimen ákimshilik hattama toltyrylyp, jınaqtalǵan qujattar tıisti sheshim qabyldaý úshin sotqa joldandy», - dep málim etti Qyzylorda qalalyq polıtsııa basqarmasynan.
