Qyzylordada jol-kólik oqıǵasy bolyp, bir júrgizýshi myltyqpen oq atqan
QYZYLORDA. QazAqparat - Qyzylorda qalasynda jol-kólik oqıǵasyn jasady delingen turǵyn myltyqpen aspanǵa oq atyp, adam ómirine qaýip týǵyzǵan, dep habarlaıdy QazAqparat tilshisi.
Oblys ortalyǵyndaǵy Nazarbaev dańǵyly men Sultan Beıbarys kósheleriniń qıylysynda eki jeńil avtokólik soqtyǵysyp qalǵan. Sosyn júrgizýshiniń biri zardap shekken avtokólik ıesine shyǵynyn óteý maqsatynda 30 myń teńge tóleýge kelisip, úıine kóligi búlingen azamatty ertip keledi. Odan keıin ol ashýǵa berilip,úıinen myltyq alyp shyǵyp, aspanǵa bir márte oq atqan.
«Qyzylorda qalalyq Polıtsııa basqarmasynyń jedel basqarý ortalyǵyna qala turǵynynan kórshisiniń myltyq atqany týraly habarlama tústi. Bul boıynsha QR Qylmystyq kodeksiniń 293-babynyń 3-bóliginiń 2-tarmaǵymen (Buzaqylyq) sotqa deıingi tergep-tekserý amaldary júrgizilýde. Aıǵaq zattar retinde ańshy myltyǵy alyndy. Kúdiktige qatysty «eshqaıda ketpeý jáne tıisti minez-qulyq týraly» qolhat túrindegi bultartpaý sharasy qoldanyldy. Jol-kólik oqıǵasyna baılanysty quqyqtyq baǵa beriledi. Saraptamalar taǵaıyndalyp, mán-jaılar anyqtalýda. Іstiń tergelýi departament basshylyǵynyń baqylaýyna alyndy», - dep málim etti Qyzylorda oblystyq polıtsııa departamentiniń baspasóz qyzmeti.
Sondaı-aq, Qyzylordada mal urlyǵymen aınalysqan qylmystyq top ustaldy.
