Qyzylordada jol apatynan júrgizýshi kólikte qysylyp qaldy
Oqıǵa búgin, 19 qyrkúıekte saǵat 7.22 shamasynda bolǵan. Sol ýaqytta 112 qutqarý qyzmetine shaqyrtý kelip tústi. Onda Qyzylorda qalasyndaǵy E. Kósherbaev pen Jalańtós bahadúr kósheleriniń qıylysynda «Toyota» jáne «Opel» markaly avtokólikteri soqtyǵysýy saldarynan kólik ishinde adamnyń qystyrylyp qalǵany aıtylǵan.
«Shaqyrtý boıynsha jedel qutqarý jasaǵynyń mamandary jaǵdaıdy anyqtaǵanda «Opel» markaly avtokóliktiń 1980 jylǵy júrgizýishisiniń qystyrylyp qalǵany belgili boldy. Mamandar gıdravlıkalyq quraldardy paıdalanyp, azamatty avtokólikten shyǵardy. Ony jedel járdem qyzmetkerlerine tapsyrdy», - dedi Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Eske salsaq, budan buryn Qyzylordada janarmaı quıylǵan tsısterna órtendi.
