Qyzylordada jol apatynan 4 adam qaıtys boldy
QYZYLORDA. QazAqparat - Keshe, qazannyń 1-i kúni Qyzylordadaǵy «Edelveıs» saıajaıy mańynda kólikter soqtyǵysyp, adamdar qaza boldy, dep habarlaıdy QazAqparat tilshisi.
«VAZ» ben «SNACMAN» avtokólikteriniń soqtyǵysýy saldarynan úsh adam qaıtys boldy.
«Eki adam aýrýhanaǵa jetkizilgen. Búgingi kúnge medıtsınalyq mekemege jatqyzylǵan eki azamattyń bireýi qaıtys boldy. Tıisti saraptamalar taǵaıyndaldy. Oqıǵanyń mán-jaıy anyqtalýda», - dedi oblystyq ishki ister departamenti bastyǵynyń orynbasary Nurlan Anarbaev.
Jol-kólik oqıǵasy boıynsha QR Qylmystyq kodeksiniń 345-babynyń 4-bóligimen tergep-tekserý sharalary bastaldy.
Foto: Vıdeodan alynǵan skrınshot/www.facebook.com/Dvd Kyzylordınskoı Oblastı
