Qyzylordada jol apatynan 2 adam kóz jumdy
Jol apaty «Samara-Shymkent» tasjolynyń 1525-shaqyrymynda, №99 beket mańynda boldy. «Daewoo Matiz» ben júk kóligi soqtyǵysqan.
Bul jóninde habarlama «Apattar medıtsınasy ortalyǵy» MM-niń Qyzylorda oblysy boıynsha fılıaly «Áıteke bı» trassalyq medıtsınalyq qutqarý beketiniń dıspetcherine kelip túsken. Mamandar oqıǵa ornyna dereý jetken.
«Medıtsınalyq qutqarý beketiniń shuǵyl áreket etý brıgadasy oqıǵa ornyna barǵan sátte «Daewoo Matiz» jeńil avtokóliginde bolǵan 2 adamnyń qaza tapqanyn kórdi. Qutqarýshylar arnaıy quraldardyń kómegimen kólik ishinde qysylyp qalǵan máıitterdi alyp shyqty. Jaraqat alǵan júk kóliginiń júrgizýshisine alǵashqy medıtsınalyq kómek kórsetildi», - dep málim etti Qyzylorda oblystyq Tótenshe jaǵdaılar departamentiniń mamandary.
Mert bolǵandar Qyrǵyzstan azamattary ekeni anyqtaldy.
Aıta keteıik, Qyzylordada tamyz aıynyń basynda bolǵan jol apatynan 5 adam kóz jumǵan edi.