Qyzylordada jol apatynan 1 adam qaza taýyp, jeti adam zardap shekti

QYZYLORDA. QazAqparat - Qyzylorda oblysynyń Qarmaqshy aýdany Iirkól aýylynyń tusyndaǵy «Shymkent-Samara» tasjolynyń boıynda eki jeńil avtokólik soqtyǵysty. Oqys oqıǵadan 1 adam qaıtys bolyp, 7 adam aýrýhanaǵa jetkizildi, dep habarlaıdy QazAqparat tilshisi.

«Jol-kólik oqıǵasy boıynsha QR Qylmystyq kodeksiniń 345-baby 3-bóligi boıynsha sotqa deıingi tergeý bastaldy. Qazir tıisti saraptamalar taǵaıyndaldy», dep málim etti Qyzylorda oblystyq polıtsııa departamentinen.

Qazir oblys aýmaǵynda aýa raıy qolaısyz bolyp tur.

«Joldaǵy kóktaıǵaq barlyq jol qozǵalys qatysýshylary úshin qaýipti. Osyǵan oraı jol qaýipsizdik erejelerin qatań saqtap, jolda muqııat bolýdy eskertemiz», - dedi departament ókili.

Eske sala ketsek, buǵan deıin Qyzylordada eki júk kóligi soqtyǵysyp, bir adam kóz jumǵan bolatyn.