Qyzylordada joǵalyp ketken eki jasóspirim tabyldy
Qyzylorda qalasynyń 34 jastaǵy turǵyny polıtsııaǵa telefon shalyp, onda eki balasynyń bir kúnnen beri habarsyz etkenin málim etti. Olar otbasynda eshkimge aıtpaı, belgisiz jaqqa ketip qalǵan.
Polıtsııa qyzmetkerleri dereý iske kiristi. Jedel izdestirý sharasy barysynda eki jasóspirim oblys ortalyǵy kósheleriniń birinen tabylǵan. Atalǵan derek boıynsha olardyń zańdy ókiline ákimshilik hattama toltyrylyp, eskertý jasaldy.
Qyzylorda oblysy Polıtsııa departamenti 2-3 tamyz kúnderi oblys aýmaǵynda «Balalar túngi qalada» atty jedel-profılaktıkalyq is-sharasy ótkizdi.
Іs-shara barysynda saǵat 22:00-den 6:00-ge deıingi ýaqyt aralyǵynda kámeletke tolmaǵandardyń zańdy ókilderiniń ertip júrýinsiz oıyn-saýyq oryndarynda jáne turǵyn jaıdan tys jerlerde bolý derekteri anyqtaldy.
«Nátıjesinde QR Ákimshilik quqyq buzýshylyq kodeksiniń 132-baby boıynsha jasóspirimderdiń túngi ýaqytta beıbereket júrýine jol bergen oıyn-saýyq oryndary ákimshiligine qatysty 6 oqıǵa anyqtaldy. Olarǵa ákimshilik hattamalar toltyryldy. Mundaı jazaǵa oıyn-saýyq oryndarynda júrgen 13 kámeletke tolmaǵan jasóspirimniń zańdy ókilderi de tartyldy», dep málim etti Qyzylorda oblystyq polıtsııa departamentiniń baspasóz qyzmeti.
Budan buryn Qyzylordada alaıaqtyq qylmysy órship turǵanyn habarlaǵan edik.