Qyzylordada joǵalyp ketken eki bala tabyldy
Es toqtata qoımaǵan eki bala polıtsııa qyzmetiniń kúshimen óz otbasysymen aman-esen qaýyshty. Jetkinshekter óz úıinen túske taman shyǵyp ketken eken. Sodan kún batqansha óz otbasyna oralmaǵan. Otbasy músheleri olardy jaqyn aýmaqtan jáne barýy múmkin degen jerlerdiń barlyǵynan qarap shyqqan edi. Alaıda jetkinshekter tabyla qoımady.
Nátıjesinde olardyń ata-analary polıtsııa qyzmetiniń kómegine júginýge májbúr boldy. Polıtsııa qyzmetkerleri dereý iske kiristi. Іzdestirý sharasynda Qyzylorda qalalyq Polıtsııa basqarmasynyń jergilikti polıtsııa qyzmeti ıývenaldy bóliminiń aǵa ýchaskelik ınspektory, polıtsııa maıory Lázzat Aıtqalıeva belsendilik tanytty. Sonyń arqasynda úıinen alysqa uzap ketken balalar aman-esen tabyldy. Olar otbasyna oraldy.
«Bizdiń basty mindetimiz - azamattarǵa árdaıym kómek kórsetý jáne olardyń qaýipsizdigin qorǵaý. Óz mindetimdi atqarý barysynda bir otbasynyń qýanyshyna ortaqtasqanyma qýanyshtymyn», - deıdi Lázzat Aıtqalıeva.