Qyzylordada joǵalyp ketken balalar tabyldy
QYZYLORDA. QazAqparat - Qyzylorda qalasynda úıinen belgisiz baǵytqa shyǵyp ketip ketken 8 jáne 11 jastaǵy eki bala polıtseılerdiń kómegimen bir táýlikten keıin tabyldy, dep habarlaıdy QazAqparat tilshisi.
Qyzylorda qalasy polıtsııa basqarmasynyń kezekshi bólimine kámeletke tolmaǵan eki jasóspirimniń úıinen shyǵyp ketip qaıta oralmaǵany jóninde habar kelip tústi.
Joǵalǵan balalardy izdeý úshin Qyzylorda qalalyq polıtsııa basqarmasy jergilikti polıtsııa qyzmetiniń ıývenaldy polıtsııa quramy jumyldyryldy. Barlyq polıtsııa ýchaskesine baǵyt-baǵdar berildi. Adamdar kóp jınalatyn oryndar, shatyrlar men qaraýsyz qalǵan ǵımarattar tekserildi.
«Jergilikti polıtsııa qyzmetiniń ıývenaldyq polıtsııa bólimshesiniń bastyǵy, polıtsııa kapıtany Nurlyhan Rahmenshıev pen aǵa ınspektor, polıtsııa kapıtany Álııa Nurmaǵanbetova, polıtsııa kapıtany Baýyrjan Tobaǵabylo balalardy qala ortalyǵyndaǵy oıyn-saýyq ortalyǵynan tapty.
Aıta keterlik jaıt, eki balanyń ata-anasyna QR ákimshilik quqyq buzýshylyq týraly kodeksiniń 442-babynyń 3-bóligimen ákimshilik hattama toltyryldy. Onda kámeletke tolmaǵandardyń zańdy ókilderiniń erip júrýinsiz túngi ýaqytta oıyn-saýyq mekemelerinde nemese turǵynjaıdan tys jerde bolýy jaǵdaıy kórsetilgen», - dep málim etti Qyzylorda oblystyq polıtsııa departamentiniń baspasóz qyzmeti.
Vedomstvo ókilderi bul rette ata-analarǵa kámeletke tolmaǵandar arasyndaǵy quqyq buzýshylyqtardyń aldyn-alý, eskertý, jol bermeý jáne olardyń quqyqtaryn qorǵaý maqsatynda baqylaýdy kúsheıtý qajet ekendigin eskertedi.
Budan buryn qyzylordalyq polıtseıler qaıyqta eskeksiz qalǵan balyqshyny qutqarǵan edi