Qyzylordada joǵalyp ketken azamat birneshe kúnnen keıin tabyldy
Esterińizge sala ketelik, balyq aýlaýǵa shyqqan Shıeli aýdanynyń turǵyny joǵalyp ketkenin habarlaǵan edik.
Balyq aýlaıtyn aýmaqta qasyndaǵy tanysyna ózi Qyzylorda qalasyna baratynyn aıtyp, «Qyzylorda-Jezqazǵan» tasjolynyń boıymen oblys ortalyǵyna baǵyt alǵan. Sodan beri habarsyz ketken turǵyndy izdestirý jóninde týystary aýdandyq polıtsııa bólimine shaǵymdanǵan. Polıtsııa tarapynan izdestirý sharalary jasaldy. Týysqandary bergen sýret, ózge de málimetter boıynsha baǵyt-baǵdar jasaldy.
«Bul baǵytta keshendi izdestirý sharasy júrgizildi. Oǵan tótenshe jaǵdaı departamenti, volonterler, turǵyndar belsene atsalysty. Nátıjesinde joǵalǵan azamat Shıeli aýdanyna qarasty Barshakól aýmaǵynan tabylyp, aýdan ortalyǵyna jetkizildi. Birneshe kún boıy habarsyz etken turǵyn úıine aman - esen oraldy. Onyń densaýlyǵyna eshqandaı qaýip joq», - dep málim etti Qyzylorda oblystyq polıtsııa departamentiniń baspasóz qyzmeti.