Qyzylordada joǵalyp ketken 9 jasar bala aman-esen tabyldy
QYZYLORDA. QazAqparat - Qyzylorda qalasyna qarasty Tasbóget kentinde túnge qaraı joǵalyp ketken toǵyz jasar bala tabyldy, dep habarlaıdy QazAqparat tilshisi.
Jergilikti polıtsııanyń kezekshi bólimine túngi ýaqytta Tasbóget kenti turǵynynan habarlama kelip tústi. Onda kent turǵyny 2010 jyly dúnıege kelgen ulynyń úıinen shyǵyp ketip, qaıta oralmaǵanyn aıtqan. ıÝvenaldy polıtsııa ınspektorlary dereý izdestirý sharalaryn bastady. Nátıjesinde barlyq týystary, tanystarynyń jáne synyptastarynyń úıleri, kósheler, kópqabatty úılerdiń jertóleleri qaraldy. Degenmen úıinen beımezgil ýaqytta shyǵyp ketken bala birden tabyla qoıǵan joq. Tańǵy saǵat 7.00 shamasynda jasóspirim tanysynyń biriniń úıinen aman-esen tabyldy.
«Bul izdestirý sharalary barysynda qalalyq polıtsııa basqarmasynyń ıývenaldy polıtsııa bólimshesiniń ınspektory, polıtsııa kapıtany Gúlzıra Ysqaqova belsendilik tanytty. Qazirgi ýaqytta kámeletke tolmaǵan oqýshymen jáne ata-anasymen profılaktıkalyq aldyn-alý jumystary júrgizilip jatyr», - dep habarlady Qyzylorda oblystyq polıtsııa departamentiniń baspasóz qyzmeti.
Budan buryn Qyzylorda oblysynda joǵalyp ketken eki balanyń tabylǵanyn habarlaǵan edik.
