Qyzylordada joǵalǵan jasóspirim tabyldy

QYZYLORDA. QazAqparat - Qyzylordada joǵalyp ketken jasóspirim tabyldy, dep habarlaıdy QazAqparat tilshisi.

Qyzylorda qalasy Polıtsııa basqarmasynyń kezekshi bólimine qala turǵyny habarlasty. Onda kámelettik jasqa tolmaǵan jasóspirimniń 3 naýryzda úıinen belgisiz baǵytqa shyǵyp, sodan qaıta oralmaǵany jóninde aıtylǵan.

«Joǵalǵan balany izdeý úshin Qyzylorda qalalyq polıtsııa basqarmasy ıývenaldy polıtsııa bólimshesiniń jeke quramy jumyldyryldy. Polıtsııa qyzmetkerleri barlyq polıtsııa ýchaskege baǵyt-baǵdar berdi. Adamdar kóp jınalatyn oryndardy, shatyrlar men qaraýsyz qalǵan ǵımarattardy tekserdi. Іzdestirý jumystary barysynda joǵalǵan bala qala ortalyǵynan tabyldy», - dedi polıtsııa departamentiniń baspasóz qyzmeti.