Qyzylordada joǵalǵan jasóspirim qyzdar Almatydan tabyldy

QYZYLORDA. QazAqparat - Qyzylorda qalasynda eki kúnnen beri habarsyz ketken 14 jáne 16 jastaǵy jasóspirim qyzdar Almatydan tabyldy, dep habarlaıdy QazAqparat tilshisi.

«Polıtsııa qyzmetkerleri men týystary izdestirý jumystaryn júrgizdi. Nátıjesinde, olar Almaty qalasynan tabyldy. Qyzylorda qalalyq Polıtsııa basqarmasynyń qyzmetkerleri jasóspirimderdi Qyzylordaǵa jetkizip ata-anasyna tabystaý úshin Almaty qalasyna issaparǵa jiberildi», - dep málim etti Qyzylorda qalalyq Polıtsııa basqarmasynyń baspasóz qyzmetinen.

Aıta ketsek, oblys ortalyǵynda turatyn eki jasóspirim qyz 1 maýsymda qalalyq demalys ornyna qydyryp ketken. Sodan úılerine qaıta oralmaǵan. Olarǵa izdeý jarııalanǵan bolatyn.