Qyzylordada joǵalǵan jasóspirim eki qyz Shymkentten tabyldy

QYZYLORDA. QazAqparat - Qyzylordada birneshe kún buryn joǵalǵan 14 jáne 16 jastaǵy eki jasóspirim qyz Shymkentten tabyldy, dep habarlaıdy QazAqparat tilshisi.

Kámeletke tolmaǵan balalardy beıimdeý ortalyǵynda tárbıelenip jatqan eki jasóspirim qyz 8 qarasha saǵat 09:00 shamasynda belgisiz baǵytqa shyǵyp, qaıta oralmaǵan.

Bul jóninde qalalyq polıtsııa basqarmasyna habarlama kelip tústi.

«Qyzylorda qalalyq polıtsııa basqarmasynyń qyzmetkerleri birneshe kún izdestirý jumysyn júrgizdi. Nátıjesinde jasóspirimder Shymkent qalasynan aman-esen tabyldy. Qazirgi tańda jasóspirimder qalaǵa jetkizildi. Olarmen profılaktıkalyq jumys júrgizilip jatyr», - dep málim etti Qyzylorda qalalyq polıtsııa basqarmasynan.