Qyzylordada joǵalǵan 3 jasar bala tabyldy

QYZYLORDA. QazAqparat – Qyzylorda oblysy Qazaly aýdanynyń polıtseıleri keshki ýaqytta joǵalǵan 3 jasar balany taýyp berdi, dep habarlaıdy QazAqparat tilshisi.

Qazaly aýdandyq polıtsııa bólimine aýdan turǵyny aýlada oınap júrgen ulynyń joǵalǵany týraly habarlaǵan. Polıtseıler dereý izdestirý jumystaryn bastady.

«Polıtseıler jaqyn mańdaǵy barlyq aýmaqty sholyp shyqty. Kórshi úı aýlalary, oıyn alańdary nazarǵa alyndy. Joǵalǵan bala aýdan ortalyǵynyń shetki kóshesiniń birinen tabyldy. ıÝvenaldy polıtsııa qyzmetkerleri ata-anasymen profılaktıkalyq baǵyttaǵy túsindirme jumystaryn júrgizdi», - dep málim etti Qyzylorda oblystyq Polıtsııa departamentiniń baspasóz qyzmetinen.

Sondaı-aq, Qyzylordada joǵalyp ketken 7 jasar bala ózen jaǵasynan tabyldy.