Qyzylordada jezókshelikpen aınalysqan úsh er adam esepke alyndy
Qyzylorda oblysynyń Polıtsııa departamenti 7-9 qyrkúıek aralyǵynda «Stop-trafık» jedel-profılaktıkalyq is-sharasyn ótkizdi. Shara barysynda adam saýdasyna baılanysty 4 qylmys tirkelgeni anyqtaldy. Onyń ishinde 1-i jezókshelikke, 3-i jeńgetaılyqqa qatysty bolyp otyr.
«Atalǵan shara barysynda 1 adam jeńgetaılyqpen aınalysqany úshin jaýapqa tartyldy. Al 10 adam jezókshelikpen aınalysqany úshin esepke alynsa, olardyń 3-i er adam ekeni belgili boldy. Sondaı-aq, QR Ákimshilik quqyq buzýshylyq týraly kodeksiniń 450-babymen jezókshelikpen aınalysýǵa úı-jaıdy usynǵany úshin 4 azamat anyqtalyp, ákimshilik jaýapqa tartyldy», - dep málim etti Qyzylorda oblystyq polıtsııa departamentinen.
Eske salsaq, budan buryn Baıqońyrda áleýmettik jeli arqyly turǵyndardy qorqytqan adam qolǵa tústi.
