Qyzylordada jergilikti turǵynnyń kóligin aýlasynan urlap ketken kúdikti ustaldy

QYZYLORDA. QazAqparat - Qyzylordada jergilikti turǵynnyń sheteldik kóligin aýlasynda turǵan jerinen aıdap alyp ketken kúdikti qolǵa tústi, dep habarlaıdy QazAqparat tilshisi.

Bul jóninde Baıqońyr qalasynyń turǵyny polıtsııaǵa aryzdanǵan edi. Osy baǵytta Qyzylorda oblysynyń Polıtsııa departamenti patrýldik polıtsııa rotasynyń qyzmetkerleri arnaıy is-shara júrgizdi.

«Nátıjesinde respýblıkalyq mańyzy bar trassanyń Qazaly aýdanyndaǵy tusynda kólik quralyn zańsyz ıemdenip ketken 41 jastaǵy, buryn sotty bolǵan kúdikti ustaldy. Osy derek boıynsha QR Qylmystyq kodeksiniń 200-babynyń 1-bóligimen sotqa deıingi tergep-tekserý amaldary júrgizilýde. Onda vtomobıldi nemese ózge de kólik quralyn jymqyrý maqsatynsyz quqyqqa syıymsyz ıelenip alý (aıdap ketý) jaǵdaıy kórsetilgen. Oqıǵanyń mán-jaılary anyqtalýda», - dep málim etti Qyzylorda oblystyq polıtsııa departamentiniń baspasóz qyzmeti.