Qyzylordada jergilikti turǵyndardy uzaq ýaqyt boıy aldap kelgen alaıaq sottaldy
QYZYLORDA. QazAqparat - Qyzylordada úsh jyldan astam ýaqyt boıy jergilikti turǵyndardy aldap kelgen áıel sottaldy, dep habarlaıdy QazAqparat tilshisi.
Ol óziniń «josparyn» 2016-2019 jyldar aralyǵynda júzege asyrǵan. Alaıaq turǵyndardy jumysqa ornalastyrý, memlekettik satyp alý konkýrsynan jeńip shyǵýyna yqpal jasaý, iri kólemde nesıe alý sekildi jeńildikter boynsha kómek kórsetetinin aıtyp, turǵyndardan qomaqty qarjy alǵan.
«Jedel-izdestirý sharalarynyń nátıjesinde Qyzylorda qalasynyń turǵyny, 1986 jyly dúnıege kelgen áıel qolǵa tústi. Ol kinásin tolyǵymen moıyndady jáne onyń buryn da sotty bolǵany anyqtaldy. Oǵan qatysty QR Qylmystyq Kodeksiniń 190-babynyń 3-bóliginiń 4-tarmaǵy (birneshe ret jasalǵan alaıaqtyq) boıynsha is qozǵaldy. Qyzylorda qalasynyń №2 sotynyń úkimi negizinde aıyptalýshyǵa 4 jyl merzimge bas bostandyǵynan aıyrý jazasy taǵaıyndaldy. Sot oǵan jábirlenýshilerge keltirilgen shyǵyndy zańmen belgilengen tártippen óteýdi mindettedi», - dep málim etti Qyzylorda oblysy Polıtsııa departamentiniń baspasóz qyzmeti.
