Qyzylordada jergilikti turǵyn aýyldasynyń ólimine sebepshi boldy
Bul oqıǵa Shıeli aýdany Qarǵaly aýylyna qarasty Bulanbaı baýy eldi mekeninde oryn aldy. Atalǵan oqıǵa jóninde aýdan ákimdigi áleýmettik jelide tómendegishe túsinik berdi. Bir synypta oqyǵan úsh turǵyn qosylyp, ishimdik ishken. Onyń ekeýi keıinnen bir-birimen kúresip, bireýi alǵan dene jaraqatynan oqıǵa ornynda qaıtys bolǵan.
«Atalǵan derek boıynsha QR Qylmystyq kodeksiniń 104-babynyń 1-bóligimen sotqa deıingi tergep-tekserý júrip jatyr. Onda abaısyzda qazaǵa ushyratý jaǵdaıy kórsetilgen. Tıisti saraptamalar taǵaıyndaldy. Mán-jaıy anyqtalýda. Kúdikti anyqtalyp, oǵan qatysty eshqaıda ketpeý túrindegi bultartpas sharasy qoldanyldy. Sonymen qatar, búgingi tańda kúdiktige jáne onyń qasynda bolǵan azamatqa, belgilenbegen ýaqytta spırt ishimdigin satqan dúken satýshysyna tótenshe jaǵdaı rejımin buzǵany úshin shara qabyldaý máselesi qaralyp jatyr», - dep málim etti Qyzylorda oblystyq polıtsııa departamentiniń baspasóz qyzmeti.
Sondaı-aq, buǵan deıin Qyzylordada 47 jastaǵy turǵyn jumys ornynda esirtki satqanyn habarlaǵan bolatynbyz.