Qyzylordada jergilikti seriktestik qoımasynan órt shyqty

QYZYLORDA. QazAqparat - Qyzylordada jergilikti seriktestikke qarasty qoımada órt shyqty. Qoımada 100 sharshy metrdeı aýmaqqa zııan keldi, dep habarlaıdy QazAqparat tilshisi.

Órt jaıynda habar alǵan №7 órt sóndirý bólimshesiniń jeke quramy oqıǵa ornyna dereý jetti. Órt sóndirýshiler barlaý jumystaryn júrgizdi. Nátııjesinde 100 sharshy metr aýmaqta jylý oqshaýlaǵysh janyp jatqany anyqtaldy.

«Órt sóndirýshiler jedel áreket etti. Nátıjesinde órt tolyǵymen sóndirildi. Órt saldarynan zardap shekkender joq. Qazirgi ýaqytta qoımadaǵy órttiń shyǵý sebebi men shyǵyny anyqtalýda», - dep málim etti Qyzylorda oblystyq tótenshe jaǵdaılar departamenti baspasóz qyzmetiniń mamany Aıgúl Nurmanova.

Budan buryn órtenip jatqan úıden qyzylordalyq turǵyn 2 balany qutqaryp qalǵanyn habarlaǵan edik.