Qyzylordada jergilikti «Qaısar» komandasynyń oıynshylary daýys berdi

QYZYLORDA. QazAqparat - Qyzylorda qalasynda «Qaısar» fýtbol komandasynyń oıynshylary referendýmda daýys berdi, dep habarlaıdy QazAqparat tilshisi.

Olar t ańerteńgi jattyǵýdan keıin №375 saılaý ýchaskesinde óz tańdaýyn jasady.

«Óz tańdaýymyzdy jasaý úshin komanda bolyp keldik. Aldaǵy ýaqytta elimizdiń joǵary jetistikke qol sozýyna zor úmit artamyn», - dedi komanda kapıtany Maqsat Baıjanov.

Eske salsaq, budan buryn Qyzylordada 101 jastaǵy maıdanger alǵashqy bolyp daýys berdi.

Al búgin 18 jasqa tolǵan qyzylordalyq daýys berýge alǵash qatysty.

Sondaı-aq, Qyzylordada shekara beketindegi áskerı mamandar tolyqtaı daýys berdi.

Oǵan qosa Qyzylordada búgin shańyraq kótergen jas jubaılar daýys berdi.