Qyzylordada jer úıden er adamnyń máıiti tabyldy: Kúdiktiler ustaldy
QYZYLORDA. QazAqparat – Qyzylorda qalasynda kisi ólimine kúdikti retinde eki adam qolǵa tústi, dep habarlaıdy QazAqparat tilshisi.
Oblys ortalyǵyndaǵy jeke úılerdiń birinen belgisiz er azamattyń máıiti tabylǵan. Polıtsııa tarapynan aýyr qylmysty ashý maqsatynda jedel-tergeý toby quryldy. Oǵan qalalyq polıtsııa basqarmasynyń tájirıbeli qyzmetkerleri endi.
«Polıtsııa qyzmetkerleri qylmysqa qatysy bar kúdiktilerdi izdeý boıynsha naqty jumystar júrgizdi. Atalǵan is-sharalar nátıjesinde 1986 jáne 1998 jyly dúnıege kelgen kúdikti eki er adam qolǵa tústi. Kúdiktiler qala aýmaǵynda jasyrynyp júrgen. Qazirgi ýaqytta olar Qyzylorda qalasynyń polıtsııa basqarmasynyń ýaqytsha ustaý ızolıatoryna qamaldy. Atalǵan derek boıynsha QR Qylmystyq kodeksiniń 99-babynyń 2-bóligi (Adam óltirý) boıynsha qylmystyq is qozǵaldy», - dep málim etti Qyzylorda oblystyq Polıtsııa departamentiniń baspasóz qyzmetinen.
Buǵan deıin qylmysqa baryp, altyn urlaǵan áıeldiń qolǵa túskenin jazǵan bolatynbyz.
