Qyzylordada jeńil kólik júrginshiler jolaǵynda adam qaǵyp ketti

QYZYLORDA. QazAqparat - Qyzylorda qalasynda jeńil kólik júrginshiler jolaǵynda adam qaǵyp ketti, dep habarlaıdy QazAqparat tilshisi.

Bul oqıǵa keshe, 21 qazanda saǵat 20.30 shamasynda Qyzylorda qalasy Abaı dańǵyly boıynda bolǵan. Sol sátte «Mercedes-Benz» markaly avtokólik júrginshiler jolaǵynda ótip bara jatqan jaıaý kisini qaǵyp ótken. Sonyń saldarynan ol qalalyq aýrýhananyń «travmatologııa» bólimshesine jatqyzyldy.

«Atalǵan derek boıynsha QR Qylmystyq Kodeksiniń 345-babynyń 2-bóligimen sotqa deıingi tergep-tekserý amaldary júrgizilýde. Onda abaısyzda adamnyń densaýlyǵyna aýyr zııan keltirýge ákep soqqan jol júrisi qaǵıdalaryn buzý jaǵdaıy kórsetilgen. Saraptamalar taǵaıyndaldy», - dep málim etti Qyzylorda oblystyq polıtsııa departamentiniń baspasóz qyzmetinen.