Qyzylordada jeńil kólik túgi qalmaı janyp ketti

QYZYLORDA. QazAqparat - Qyzylorda qalasynda kóp qabatty turǵyn úı aldynda turǵan avtokólik tolyqtaı janyp ketti, dep habarlaıdy QazAqparat tilshisi.

Oqys oqıǵa 23 mamyrda jergilikti ýaqytpen saǵat 16.46 shamasynda boldy. Oblys ortalyǵynyń «Araı-2» móltekaýdanyndaǵy bes qabatty turǵyn úıdiń aýlasynda turǵan «Volkswagen Golf-4» markaly jeńil avtokóligi órtengen.

«Oqıǵa ornyna kelgen órt sóndirýshiler avtokóliktiń tolyǵymen janyp jatqanyn kórdi. Oǵan órt sóndirý qyzmetiniń jeke quramy jumyldyryldy. Zardap shekkender joq. Qazirgi tańda órttiń shyǵý sebebi men shyǵyny anyqtalýda», - dep málim etti Qyzylorda oblystyq Tótenshe jaǵdaılar departamenti Órt sóndirý jáne apattyq-qutqarý jumystary qyzmetiniń baspasóz hatshysy Álııa Erejepova.

Budan buryn Qyzylordada turǵyn úıden órt shyǵyp, eki adamdy kúıik shalǵan bolatyn.