Qyzylordada jeńil kólik eki adamdy qaǵyp ketti
QYZYLORDA. QazAqparat - Búgin Qyzylorda qalasynda jeńil kólik joldan ótpek bolǵan eki adamdy qaǵyp ketti, dep habarlaıdy QazAqparat tilshisi.
Oqıǵa búgin, 4 aqpanda saǵat 09.50 shamasynda bolǵan. A. Toqmaǵanbetov kóshesiniń boıynda «Mazda» markaly avtokóliginiń ıesi belgilengen jerde joldan ótpek bolǵan eki jaıaý júrginshini qaǵyp ketti.
«Oqıǵadan zardap shekken jáne qaıtys bolǵandar joq. Kólik júrgizýshisine qatysty QR Ákimshilik quqyq buzýshylyq týraly kodekstiń 610 babyna sáıkes tergep-tekserý jumystary júrgizilýde», dep málim etti Qyzylorda qalalyq polıtsııa basqarmasynan.
Sondaı-aq, budan buryn Qyzylordada ıesiz turǵan «Mercedes» avtokóligi túgi qalmaı janyp ketti.
