Qyzylordada jeńil kólik aýdarylyp, bir adam qaza tapty

QYZYLORDA. QazAqparat - Qyzylorda oblysy Jańaqorǵan aýdanyndaǵy «Samara-Shymkent» tas jolynyń boıynda «Lada Granta» markaly avtokóligi aýdarylyp, bir jolaýshy mert boldy, dep habarlaıdy QazAqparat tilshisi.

Bul keleńsiz jaǵdaı 6 maýsym kúni oryn alǵan. «Lada Granta» markaly avtokóliginiń júrgizýshisi rýlge ıe bola almaı, joldan shyǵyp ketip, aýdarylǵan. Saldarynan bir jolaýshy oqıǵa ornynda kóz jumdy.

«Atalmysh jol-kólik oqıǵasy boıynsha QR Qylmystyq Kodeksiniń 345-babynyń 3-bóligimen tergep-tekserý amaldary júrgizilýde. Onda kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy, abaısyzda adam ólimine ákep soqqan is-áreket jaǵdaıy kórsetilgen. Tıisti saraptamalar taǵaıyndaldy. Oqıǵanyń mən-jaılary anyqtalýda», - dep málim etti Qyzylorda oblystyq polıtsııa departamentiniń baspasóz qyzmetinen.

Buǵan deıin Qyzylordada gaz jarylyp, turǵyn úı qıraǵanyn habarlaǵan edik.