Qyzylordada jeńil avtokólik aıaldamany qıratyp tastady
QYZYLORDA. QazAqparat - Qyzylorda qalasynda jeńil avtokólik aıaldamaǵa soǵyp, ony qıratyp tastady, dep habarlaıdy QazAqparat tilshisi.
Oqıǵa oblys ortalyǵyndaǵy Qorqyt ata jáne S.Toraıǵyrov kósheleriniń qıylysynda boldy. «Mercedes-Benz» kóliginiń ıesi joldyń oń jaq jıegindegi aıaldamaǵa baryp soqqan.
«Kólik júrgizýshisi oqıǵa ornynan ketip qalǵan. Polıtseıler onyń kim ekendigin anyqtady. Kólik aıyp alańyna qoıyldy. Kólik júrgizýshisi QR Ákimshilik quqyq buzý týraly kodeksiniń úsh baby boıynsha jaýap berip, aıyppul tóleıdi», - dep málim etti Qyzylorda oblystyq polıtsııa departamentiniń baspasóz qyzmeti.
Sondaı-aq, Qyzylordada jol-kólik oqıǵasy bolyp, bir júrgizýshi myltyqpen oq atqan.
