Qyzylordada jeńgetaılyqpen aınalysqan 2 áıel qolǵa tústi

QYZYLORDA. QazAqparat - Qyzylordada jeńgetaılyqpen aınalysqan 2 áıel qolǵa tústi, dep habarlaıdy QazAqparat tilshisi.

Qyzylorda oblysynda «STOP trafık» jedel-profılaktıkalyq sharasy aıasynda polıtsııa qyzmetkerleri reıdter uıymdastyrdy.

«Shara barysynda jeńgetaılyqpen aınalysyp júrgen 2 azamatsha anyqtaldy. Atalǵan derek boıynsha QR Qylmystyq kodeksiniń 309-babynyń 1-bóligimen sotqa deıingi tergep-tekserý bastaldy. Onda jezókshelikpen aınalysý jáne jeńgetaılyq úshin prıtondar uıymdastyrý nemese ustaý jaǵdaıy kórsetilgen», - dep málim etti Qyzylorda oblystyq Polıtsııa departamentiniń baspasóz qyzmetinen.

Sondaı-aq, qoǵamdyq oryndarda dórekilik kórsetken 35 azamatqa QR Ákimshilik quqyq buzýshylyqtar týraly kodeksiniń 449-baby boıynsha ákimshilik hattamalar toltyryldy. Atalǵan baǵyttaǵy jumystar jalǵasýda.