Qyzylordada jeltoqsanda koronavırýs juqtyrǵandar sany ósti

QYZYLORDA. QazAqparat - Qyzylorda oblysynda jeltoqsan aıynda 93 adam koronavırýs ınfektsııasyn juqtyrǵan, dep habarlaıdy QazAqparat tilshisi.

Sońǵy eki aıda Qyzylorda oblysynda qaterli indetke shaldyqqan azamattar sany artyp keledi. Qarasha aıynda 31, jeltoqsanda 93 adam indetke shaldyqqan.

Oblysta 2021 jyldyń 5-shi qańtarǵa deıin qoǵamdyq tamaqtaný, oıyn-saýyq, kásiporyndar, mekemeler men keńselerde ujymdarmen uıymdastyrylatyn jańa jyldyq is-sharalardy ótkizýge tyıym salyndy. Osyndaı karantındik shekteýlerge qaramastan halyq kóp jınalǵan otbasylyq jıyndar ótkizý áli de azaıar emes. Koronavırýs ınfektsııasynyń odan ári taralýynyń aldyn alý maqsatynda turǵyndardan saqtyq sharalaryn oryndaýdy suraımyz. Óńirdegi epıdemıolgııalyq ahýaldy eskere otyryp, Jańa jylda koroporatıvterdi, banketter shekteldi. Týys, dostardy onlaın, vıdeo-qońyraý jáne ózge de jańa tehnologııalardyń kómegimen baılanys ornatyp, quttyqtaýǵa keńes beremiz, - dedi Qyzylorda oblysynyń Bas memlekettik sanıtarııalyq dárigeri Dınara Janabergenova.

Karantın bastalǵaly óńirde 919 talapty buzýshylyq anyqtaldy. Onyń 474-i merekelik jáne otbasylyq sharalardy uıymdastyrý bolyp otyr.